منتديات نسائم القلوب
السلام عليكم
اذا كونت زائر في منتديات نسائم القلوب لاول مرة
قم بالتسجيل وشارك معانا


احدث الإسلاميات و البرامج والالعاب وافلام الكارتون والافلام العربية والاجنبية و احدث الاغاني
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 محشي مشكل من الحله علي هنا علي طول

اذهب الى الأسفل 
كاتب الموضوعرسالة
عاشق القلوب
نائب المدير والمشرف الإداري
نائب المدير والمشرف الإداري
avatar

الرتبة :
الدولة :
عدد المساهمات : 33440
تاريخ التسجيل : 20/04/2012
العمر : 31

مُساهمةموضوع: محشي مشكل من الحله علي هنا علي طول    الجمعة مارس 15, 2013 2:10 pm

محشي مشكل من الحله علي هنا علي طول

سلام عليكم يا قمرات انهارده قلت اعملكم طبق محشي مشكل
يستاهل بقكم





المقادير :

كيلو رز مصري مغسول كويس ومنقوع علي الاقل ساعتين
2 حزمة بقدونس مفروم
2 حزمة كسبرة خضراء مفرومه
2 حزمة شبت مفروم
4 بصلات كبار مفرومين
نص راس ثوم مفرومه
ملح
فلفل
كمون
كسبره ناشفه
زنجبيل
نص كيلو عصير طماطم
نص كيلو طماطم مفرومه
2 ملعقه كبيره سمنه بلدي
3 ملعقه كبيره زيت ذره
كيلو كوسه محفوره
كام قرن فلفل اخضر ونشيل منه البذر
كيلو باذنجان ابيض محفور
ورق عنب
ورق كرنب (ملفوف )
وممكن لو عاوزه كمان ورق خس و ورق لفت بس انا ماكانش عندي
مرقه سمينه عشان نسويه فيها


الطريقه :

نغسل الرز كويس بعد ما ننقيه ونسيبه منقوع فتره علي الاقل ساعتين

في الوقت ده نكون بنحضر الخلطه ونحفر الكوسه و ننضف الفلفل ونحفر الباذنجان


نغسل الكوسه كويس ونحفرها بمفحرة الكوسه ونحتفظ بالقلب

ننضف الفلفل من البذر ونغسله ونسيبه يتصفي



نغسل الباذنجان ونحفره ونرمي القلب ، بعد كده نشوحه في شوية زيت صغيرين
(وده بيديله طعم جميل ويخليه زي الزبده ، وكمان بيخليكي ممكن تحشيه علي بيات
لانه لو اتحشي علي طول من غير تشويح وفضل فتره قبل الطبخ مش بيستوي
( بالنسبه لي كنت مخزنه الباذنجان من الموسوم بتاع السنه اللي فاتت باحفره واشوحه
واسيبه يبرد وبعدين احطه في اكياس وعلي الفريزر )


ورق العنب كنت برضو مخزناه من الصيف اللي فات ، باغسله واسيبه يتصفي من ميته
وبعدين في اكياس وعلي الفريزر واما اجي استخدمه اطلعه واحشيه من غير سلق
لان التفريز اصلا بيبقي خلاه طري ومش محتاج يتسلق وده بيديله ميزه انه بيفضل لونه
اخضر ومش بيصفر زي المسلوق وكمان المزازه اللي فيه بتفضل زي ماهيه )





الكرنب او الملفوف في الشتاء باسلقه واقطعه علي اد الصابع وبرضو باشيله جاهز علي
الاستخدام في الفريزر لان بتاع الشتا بيبقي احلا بكتيييييييير من كرنب الصيف




في حله علي النار نحط السمنه والزيت ونبدأ نشوح البصل واول ما يطري شويه ويبقي شفاف
نحط الثوم اول ما نشم ريحة الثوم نحط الطماطم ونسيبها تتسبك
ممكن تستغني عن الخطوه دي لو هاتتبخي المحشي علي طول مش ها تحشيه علي بيات

(باحب بصل المحشي يبقي كتير )





دايما باعمل ضعف الكميه واشيل نصها في الفريزر للمره الجايه خصوصا لو الطماطم رخيصه





نصفي الرز ونحط عليه الشبت والكسبره والبقدونس المفرومين

( باحب الخضره تبقي كتير )



والتسبيكه والتوابل وراعي ان كمية الكمون تكون الضعف





ونقلبهم كويس اوي





استنوني هاكمل اوعوا حد يقوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
محشي مشكل من الحله علي هنا علي طول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نسائم القلوب :: المنتديات العامة :: منتدى حواء-
انتقل الى: